ჭაუხის ტრავერსი

თემო სამსონაძემ და სოფო ჭელიძემ ჭაუხის სრული ტრავერსი გაიარეს

ჭაუხის მასივი, რომელსაც ხშირად „ქართული დოლომიტები“ ეწოდება, ცნობილია თავისი სილამაზით და ტექნიკურად რთული მარშრუტებით. მაგრამ ამ საოცარი ხედების მიღმა იმალება ტრავერსი, რომელიც ცოტა ადამიანმა გაბედა სრულად გაევლო. 25-27 ივლისს ჩვენ გადავწყვიტეთ სწორედ ამ ხაზის გავლა — ჭაუხის მასივის სრული ტრავერსი, თიკანაძის მწვერვალიდან ჯავახიშვილის მწვერვალამდე.

სამი ინტენსიური დღის და ორი ღამის განმავლობაში, გადავკვეთეთ 11 მწვერვალი — 9 ცნობილი და 2 უცნობი ან დაუფიქსირებული. მარშრუტი მიჰყვებოდა ჭაუხის ქედს.

ყოველი მწვერვალი გვიხსნიდა ყაზბეგის რეგიონის ახალ პერსპექტივას — ზოგჯერ ოქროსფერი მზის შუქში, ზოგჯერ ღრუბლებსა და ქარში მოქცეული. ღამეები იყო მშვიდი და ვარსკვლავებით სავსე.

ტრავერსი მივუძღვენით ჩვენს მეგობარს, არჩილ ბადრიაშვილს, 2015 წელს არჩილმა ჭაუხის სრული ტრავერსი მარტომ (სოლო) გაიარა. — რაც დღემდე ერთადერთი ტრავერსის გავლა იყო საპირისპირო მიმართულებით: ჯავახიშვილიდან თიკანაძისკენ. მისი მიღწევა დღემდე შთააგონებს მთამსვლელების ახალ თაობას — მათ შორის ჩვენც.

განსაკუთრებული მადლობა ჩემს დას, ქეთი სამსონაძეს, რომელმაც უზრუნველყო წყლის მარაგი და კავშირზე ყოფნა ტრეკის განმავლობაში. მისი დახმარება იყო გადამწყვეტი ჩვენი უსაფრთხოებისა და წარმატებისთვის.

ასევე, უდიდესი პატივისცემა ჩემს პარტნიორს, Popo Popo-ს — თოკისა და გადაწყვეტილების თანაზიარი იყო.

📍 მარშრუტი: თიკანაძე → ჯავახიშვილი
📆 დრო: 25–27 ივლისი
🥾 ხანგრძლივობა: 3 დღე / 2 ღამე
⛰️ წვერები: სულ 11 (9 ცნობილი, 2 უცნობი)
🎗️ ეძღვნება: არჩილ ბადრიაშვილს