ყინული და დრაითულინგი მცირე მიტარბის ჩანჩქერზე
პატარა მიტარბის დრაი-თულინგის სექტორი მშვენიერი ადგილია ახალი გამოცდილების შესაძენად და საცოცი ტექნიკის დასახვეწად.
პატარა მიტარბი არის სოფელი ბორჯომის მუნიციპალიტეტში (ბაკურიანის თემში), რომელიც მდებარეობს მდინარე მიტარბულას ნაპირებზე — ზღვის დონიდან 1300 მეტრზე, ბორჯომიდან 30 კილომეტრის, ხოლო თბილისიდან 180 კილომეტრის დაშორებით. სოფლის მოსახლეობა დაახლოებით 50 ადამიანს შეადგენს.
სოფელი გაშენებულია კლდეებითა და შედარებით დაბალი მთებით გარშემორტყმულ ულამაზეს ხეობაში. ხეობის დასაწყისში მდებარეობს ჩანჩქერი, რომლის მიმდებარე კლდოვან სექტორებზეც მოწყობილია საცოცი მარშრუტები. გარდა ამისა, იქვე არის პატარა ჩანჩქერიც, რომელიც განსაკუთრებით ცივ ზამთარში ყინულზე ცოცვისთვის იყინება.
მარშრუტი
საცოცი მარშრუტები გათვლილია მხოლოდ "Dry tooling"-ის საცოცად (არა სპორტული ცოცვისთვის). ცოცვა მთელი წელი არის შესაძლებელი ზამთრის პერიოდში შესაძლებელია გაყინულ ჩანჩქერზე ცოცვაც (მინიმუმ 3 კვრა გადაბმულად 0-ზე დაბალი ტემპერატურისას). დრაი თულინგის ცოცვას შეძლებთ როგორც საცოცი წრიაპით ასევე უბრალო საცოცი ფეხსაცმლით (სკალნით).
როგორ მივიდეთ
სოფელში მოსახვედრად, ბორჯომიდან უნდა ვიმოძრაოთ ბაკურიანის მიმართულებით. დაბა წაღვერთან ვუხვევთ ტიმოთესუბანი – მიტარბის მიმართულებით. დიდი მიტარბიდან 1.5 კილომეტრში მივალთ პატარა მიტარბში (ხოლო წაღვერიდან გადახვევიდან დაახლოებით 15 კილომეტრში).
ლოკაციამდე მისასვლელად აუცილებელია 4x4 (სრული ამძრავი) ავტომობილი. ზამთრის პერიოდში სავალდებულოა შესაბამისი ზამთრის საბურავები და მოცურების საწინააღმდეგო ჯაჭვები. (იხილეთ რუკა)
საუკეთესო დრო
საუკეთესო პერიოდი, როდესაც ერთდროულად როგორც დრაი-თულინგის, ისე ყინულზე ცოცვის შეხამებას შეძლებთ, იანვრის შუა რიცხვებიდან მარტის დასაწყისამდეა. სექტორში გამგზავრებამდე აუცილებლად შეამოწმეთ ამინდის პროგნოზი.
რაც შეეხება უშუალოდ დრაი-თულინგს — ამ სექტორზე ცოცვა მთელი წლის განმავლობაშია შესაძლებელი.
რა დაგჭირდებათ
დრაი-თულინგისთვის აუცილებელი აღჭურვილობა:
- ექსპრესები (Quickdraws): 10 ცალი
- ჩაფხუტი (Helmet): 1 ცალი
- დინამიკური თოკი (Dynamic Rope): მინიმუმ 50 მეტრი
- სადაზღვევო სისტემა / "ბესედკა" (Harness)
- საცოცი წერაყინები (Ice Tools)
- სადაზღვევო მოწყობილობა (Belay Device / GriGri)
- კატები / წრიაპი (Crampons): (შენიშვნა: მარშრუტის მიხედვით შესაძლებელია საცოცი ფეხსაცმლის / Climbing Shoes-ის გამოყენებაც)
ყინულზე ცოცვისთვის დამატებით აუცილებელია:
- ყინულის ბურღები (Ice Screws)